لما يقلك الشفير وصلنا وحمدلله على السلامة فانت تقريباً بتكون وصلت في فترة قياسية ما راح تشعر فيها لأن دبي من المدن الأقل ازدحاماً وبيجي ترتيبها في المركز 311 عالمياً في مؤشر ازدحام المدن واللي ما بزيد وقت الإزدحام عن 18% من وقت الرحلة وهذا بسبب جودة الطرق مقارنة مع أكثر من 50% في مدن مثل نيودلهي أو موسكو
الشفير راح يعطيك فاتورة بالاجرة وفيك تدفعها نقداً أو بالبطاقة وبعد هيك بساعدك بتنزيل الشنط عشان تدخل الفندق وانا ما بعرف شو الفندق اللي حجزت فيه بس بعرف إنه فيك تختار بين أكثر من 741 منشأة فندقية فيها 128 ألف غرفة ويمكن تكون زادت لما تقرأ هالكلام لأنه النمو في المعروض الفندقي بزيد عن 9% سنوياً لتغطية الطلب فدبي تعتبر من أعلى نسب الإشغال الفندقي في الشرق الأوسط